Astanada Ózin-ózi taný páni boıynsha qalalyq ashyq sabaq ótti
ASTANA. 24 qazan. QazAqparat - №22 mektep-gınazııasynda Ózin-ózi taný páni boıynsha qalalyq ashyq sabaq ótti. Bul týraly Balalar quqyǵyn qorǵaý basqarmasyna silteme jasap, astana.kz saıty habarlady.
Sabaq 3 (kishi býyn), 7 (orta býyn) jáne 9-synypta (aǵa býyn) qatar ótkizildi. Onda balalarǵa «baqyt» sóziniń maǵynasy túsindirilip, mátinderdi durys qabyldap, taldaýǵa, kórneki oılaý qabiletin damytýǵa, adamgershilik jáne estetıkalyq sezimderdi tárbıeleýge, jaýap berýshilerdi tyńdaı bilýge, óziniń ómirlik ustanymyn, maqsattaryn, oǵan qol jetkizý tásilderi men joldaryn túsinýge yqpal etýge úıretti.
Sabaqty Astana qalasy balalar quqyǵyn qorǵaý basqarmasy janynan áreket etetin «Júrekter úndestigi» klýbynyń músheleri ótkizdi. Onyń quramyna ózin-ózi taný pániniń úzdik muǵalimderi engen.
Budan basqa, oqýshylarǵa ádistemelik materıaldar, dıskter taratyldy. Іs-sharanyń maqsaty ózin-ózi tanýdyń rýhanı-adamgershilik baǵdarlamalaryn júzege asyrý máseleleri boıynsha tájirıbe almasý bolyp tabylady.
