Astanada ózin esepteýishterdi tekserýshi retinde tanystyratyn tonaýshy izdestirilýde
ASTANA. QazAqparat - Astana polıtseıleri ózin esepteýishterdi tekserýshi retinde tanystyryp, páter tonaǵan kúdiktini izdep jatyr, dep habarlaıdy «QazAqparat» HAA tilshisi Astana qalalyq ІІD-ge silteme jasap.
«Polıtsııaǵa qala turǵyny shaǵym túsirgen. Onyń aıtýynsha, belgisiz bireý esepteýishti tekseremin degen jalǵan syltaýmen páterge kirgen. Sol kezde páterdegi jeke zattardy urlap, izin sýytqan. Bul fakti QR QK-niń «urlyq jasaý» baby boıynsha Sotqa deıingi tergeýdiń biryńǵaı tizilimine tirkeldi», - delingen habarlamada.
Qalalyq ІІD-niń habarlaýynsha, qazirgi tańda kúdiktige qatysty jedel-izdestirý sharalary júrgizilip jatyr. Sondaı-aq, buryn messendjerlerde taratylǵan kúdikti týraly aqparat pen onyń sýreti tekserilýde.
