Astanada ózennen tabylǵan jasóspirimniń isi ózine qol salý deregi boıynsha tergelip jatyr

ASTANA. KAZINFORM — Іshki ister mınıstriniń orynbasary Sanjar Ádilov Astanada ózennen tabylǵan jasóspirim qyzdyń isi ózine qol salý deregi boıynsha tergelip jatqanyn aıtty. 

— Atalǵan oqıǵadan keıin ózine qol salý deregi boıynsha qylmystyq is qozǵaldy. Qazir tergeý amaldary jalǵasyp jatyr. Qazir tıisti saraptamalar bastaldy, — dedi Sanjar Ádilov Parlament Májilisinde tilshiler suraǵyna jaýap bere otyryp.

Budan buryn habarlanǵandaı, 24 qarashada Astanada ózen boıynan jasóspirim qyzdyń denesi tabyldy.

Polıtsııanyń málimetinshe, 24 qarashada saǵat 21:00 shamasynda elorda turǵyny qyzynyń joǵalyp ketkeni týraly quqyq qorǵaý organdaryna habarlaǵan. Ol qyzdyń saǵat 18:30–da úıden shyǵyp ketkenin jáne baılanysta bolmaǵanyn aıtqan.