Astanada ózenderdiń deńgeıi kóterilip, birqatar saıajaılardy sý basty
ASTANA. QazAqparat - Aýa raıynyń kúrt jylynýyna baılanysty, qardyń erýi Astana qalasynyń aýmaǵyndaǵy ózen sýlarynyń qalypty deńgeıden asýyna alyp keldi, dep habarlaıdy Astana qalasy TJD-niń baspasóz qyzmeti.
Vedomstvonyń málimeti boıynsha, naýryzdyń 31-i kúni 13.00 saǵatta Saryarqa aýdany TJB-ne jedel kezekshiden Esil aýdanyna qarasty ıÝbıleınyı saıajaıshylar uıymynyń saıabaqtaryn Sarybulaq ózeniniń sýlary shaıyp jatqandyǵy jaıynda habarlama kelip tústi.
«Tekseris barysynda anyqtalǵandaı, Sarybulaq ózeniniń sýy Esil ózeniniń eski ańǵary boıynsha ótkendigi anyqtaldy. Osylaısha, ıÝbıleınyı saıajaı uıymyna qarasty eshkim turmaıtyn birneshe úılerdi ishinara sý alǵan. Astana qalasy TJ departamenti Esil jáne Saryarqa aýdany ákimdikterimen, qala qyzmetterimen birlesip Beısekov kóshesiniń boıynda Sarybulaq ózeninen Esil ózeniniń eski arnasyna sý ótkizý boıynsha jumystardy atqarýda», - delingen habarlamada.
Sáýirdiń 1-i kúni sý tasqynynyń aldyn alý jumystarynyń barysynda Astana qalasy TJ departamentiniń qyzmetkerlerimen «ıÝbıleınyı» saıajaıshylar uıymyndaǵy 15 adam qaýipsiz jerge shyǵarylǵan, olardyń 10-y balalar. Atalmysh jumystarǵa jeke quramnyń 40-qa jýyq adamy, 8 tehnıka birligi jumyldyrylǵan.
Vıshnevaıa kóshesinen 3 adam qaýipsiz jerge kóshirilse, olardyń 2-i balalar boldy. Topolınaıa kóshesinen 1 adam týystaryna jetkizildi.
Ilınka kentinde 4 arnaıy sorǵymen sý tartyp alynýda. Sýdyń kólemi azaıyp keledi, adamdardy kóshirý júzege asyrylǵan joq. Sýǵa batyp jatqan úıler joq.
