Astanada ózen boıynan jasóspirim qyzdyń denesi tabyldy: polıtsııa qylmystyq is qozǵady

ASTANA.KAZINFORM — Polıtsııa Astanadaǵy oqýshy qyzdyń óliminiń mán-jaıyn tergep jatyr.

Áleýmettik jelide qyzdyń denesi tabylǵannan keıin oqıǵa ornynda jumys istep jatqan polıtsı qyzmetkerleri túsirilgen vıdeo tarady.

Polıtsııanyń málimetinshe, 24 qarashada saǵat 21:00 shamasynda elorda turǵyny qyzynyń joǵalyp ketkeni týraly quqyq qorǵaý organdaryna habarlaǵan. Ol qyzdyń saǵat 18:30–da úıden shyǵyp ketkenin jáne baılanysta bolmaǵanyn aıtqan.

— Barlyq polıtsııa qyzmetkeri, eriktiler jáne basqa da taǵaıyndalǵan kúshter ony izdeýge jedel túrde jumyldyryldy. Іzdeý nátıjesinde mektep oqýshysynyń denesi ózennen tabyldy, — dep habarlady Astana polıtsııa departamenti.

Polıtsııa sýıtsıd boıynsha qylmystyq tergeýdi bastady. Qazirgi ýaqytta quqyq qorǵaý organdary oqıǵanyń mán-jaıyn tergep jatyr.

Aıta ketelik Aqmolada 14 jastaǵy qyzdy óltirdi dep kúdikke ilingen adam qamaýǵa alyndy.