Astanada ózbek mádenıeti men ashanasynyń kórmesi ótedi
ASTANA. QazAqparat - 8 qyrkúıekte Astana qalasy ákimdiginiń alańynda ózbek gastronomııalyq jáne ulttyq ashanasynyń kórmesi ótedi, dep habarlaıdy Astana qalasy ákimdiginiń resmı saıty.
Іs-shara Qazaqstandaǵy Ózbekstan týrızmi jyly sheńberinde uıymdastyrylyp otyr. Qoldaý kórsetýshi - Mádenıet jáne sport mınıstrligi, al uıymdastyrýshy - «Kazakh Tourism» UK» AQ. Kórme 8 qyrkúıek kúni saǵat 12:00-den 19:00-ge deıin jalǵasady.
Kórme qonaqtaryna shyraıly Ózbekstannyń negizgi ashanasy men Qazaqstan halqynyń ulttyq taǵamdary usynylady. Ataqty bas aspaz dástúrli ulttyq taǵamdy daıyndaý boıynsha sheberlik saǵatyn kórsetip, sheberliginiń qupııasyn ashady.
Kórmege kelýshiler túrli taǵamnan dám tatyp, ystyq tandyrdan shyqqan kúreń qalashtan sarqyt alýlaryna bolady. Sonymen qatar, qonaqtar nazaryna kontserttik baǵdarlama usynylady.
Budan basqa, shyǵys jármeńkesi men «As ıesimen tátti» lotereıasy uıymdastyrylady. Onda eresekter men balalar úshin syılyqtar oınatylmaq.
