Astanada ózbek azamattary Almaty turǵynyna oq atqan
ASTANA. QazAqparat - Ótken jeksenbide Astanada Ózbekstan azamattary Almaty qalasynyń turǵynyna oq jaýdyrǵan, dep habarlaıdy Astana qalasy Іshki ister departamentiniń baspasóz qyzmetinen.
«Qaladaǵy «Kerýen» saýda oıyn-saýyq ortalyǵynyń janynda belgisiz bireýler travmatıkalyq tapanshadan Almaty qalasynyń turǵyny, 1979 jylǵy azamat O.T.Muqajanovty jaralaǵan. Alaıda, zardap shegýshi medıtsınalyq mekemege qaralmaǵan», - delingen habarlamada.
Baspasóz qyzmetiniń habarlaýynsha, polıtsııa qyzmetkerleri buzaqylyq áreketterge bardy degen aıyppen eki kúdiktini ustaǵan. Ustalǵandardyń biri - ózbek eliniń týmasy. Ol elordada ýaqytsha turyp jatqan. Al ekinshi Ózbekstan azamaty budan buryn da Qazaqstan Respýblıkasynyń mıgratsııaǵa qatysy zańdaryn buzǵany úshin ákimshilik jaýapkershilikke tartylǵan.
Tutqyndalǵan tulǵalar Astana qalasyndaǵy Іshki ister departamentiniń ýaqytsha ustaý oqshaýlaǵyshyna qamaýǵa alyndy. Bul oqıǵa boıynsha QR Qylmystyq Kodeksiniń 257 babynyń 3 tarmaǵyna sáıkes qylmystyq is qozǵaldy.
