Astanada «Óz zamanynyń jańa qaharmany» memoramdýmyna qol qoıyldy
ASTANA. 7 tamyz. QazAqparat - Búgin Astanada QR BǴM Jastar isi komıteti, «Qazaqstan KVN Odaǵy» Respýblıkalyq jastar qoǵamdyq birlestigi men Respýblıkalyq «Jas ulan» balalar jáne jasóspirimder uıymy arasynda
birlesken is-qımyl men áriptestik jónindegi úshjaqty «Óz zamanynyń jańa qaharmany» atty memoramdýmǵa qol qoıyldy.
«Úshjaqty memorandýmǵa qol qoıýdyń maqsaty - otansúıgishtik rýhynda, rýhanı-adamgershilik qundylyqtar negizinde jastardy tárbıeleý, jasóspirimderdiń shyǵarmashylyq jáne zııatkerlik deńgeıin arttyrý, memlekettik jastar saıasatyn memlekettik tildi nasıhattaý bóliginde júzege asyrý.
Bekitilgen qujat aıasynda kóshbasshylyq qabiletti damytýǵa arnalǵan «Jaıdarly Jas ulan» jobasy qarastyrylǵan. Osy oraıda bıylǵy 1 qyrkúıekten bastap elimizdiń barlyq mektepterinde bul joba óz jumysyn bastamaq. Al bastama respýblıkalyq deńgeıde kóterilip, elimizdiń barlyq óńirlerinde jalǵasyn tabady.
«Jaıdarman» kóńildiler men tapqyrlar uıymyn áriptestikke tartyp, solarmen qosyla shara ótkizýdi kózdep otyrmyz. Búginde «Jaıdarman» óte tanymal, bedeli mol jáne jastar arasynda qazaq tilin damytýǵa, ulttyq dástúrdi jetkizýge, jańa zııatkerlik deńgeıdi kóterýge yqpal eteri de anyq. Sol sebepten búgin Jastar isi komıteti bul baǵytta birge áriptestik ornatyp, aldaǵy úlken sharalardy birlese atqarmaq»,-dedi Bilim jáne ǵylym vıtse-mınıstri Murat Ábenov.
