Astanada óz sábılerin avtokólikke aıyrbastamaq bolǵan otbasylyq jup ustaldy
ASTANA. QazAqparat - Astanalyq ishki ister departamentiniń qyzmetkerleri jańa týǵan nárestelerin kólikke aıyrbastamaq bolǵan er adam men áıeldi ustady.
«Astana qalalyq ІІD-niń uıymdasqan qylmyspen kúres basqarmasynyń qyzmetkerlerine ózderiniń jańa týǵan nárestesin «Toıota Kamrı» markaly kólikke aıyrbastamaq bolǵan otbasylyq jup týraly aqparat kelip tústi. Júrgizilgen jedel-izdestirý sharalary barysynda polıtseıler kúdikti azamattardyń esimderin anyqtady - olar Ózbekstan Respýblıkasynyń týmalary, 25 jastaǵy áıel men onyń 29 jastaǵy jubaıy bolyp shyqty», - delingen elordalyq ІІD-niń habarlamasynda. Áıel balasyn 27 qańtar kúni bosanǵan, onyń salmaǵy 3,8 keli boldy. Eki kúnnen keıin erli-zaıyptylar kólikke senimhat rásimdep, náresteni berý kezinde ustaldy. Náreste aýrýhanaǵa jatqyzyldy. Ustalǵan azamattar ýaqytsha qamaý oqshaýlaǵyshyna qamaldy. Áıel jumyssyz, al jubaıy bolsa qaladaǵy kásiporyndardyń birinde jumys isteıdi eken. Atalǵan faktige qatysty QR QK-niń 135-babynyń 2-bólimimen («Kámelettik jasqa tolmaǵandardy satý») qylmystyq is qozǵaldy. Tergeý amaldary júrgizilýde.
