Astanada óz ónerimdi shyńdaýda úlken tájirıbe jınadym - Sankt-Peterborlyq mýzykant
ASTANA. QazAqparat - Astanada ózimniń kásibı mamandyǵymda úlken tájirıbe jınaqtadym. Bul týraly QazAqparat agenttiginiń tilshisine bergen suhbatynda «Astana-Opera» memlekettik opera jáne balet teatry sımfonıkalyq orkestriniń arfashysy Lıýbov Tkachenko aıtty. Ol búginde elordaǵa Reseıdiń Sankt-Peterborynan kelip, jumys istep jatyr.
«Osynda tanymal mýzykanttar men dırıjerlerdi kezdestirgenim úshin Astanaǵa zor alǵysymdy bildirgim keledi. Álemge tanylǵan mýzykanttarmen Máskeýde nemese Peterborda birge jumys isteý maǵan qıynǵa túser edi. Astanada men jańa dostardy taptym, sondaı-aq ózimniń kásibı qyzmetimde úlken tájirıbe jınadym»,-deıdi ol.
Lıýbov Tkachenkonyń sózine qaraǵanda, Qazaqstannyń jas elordasynda dostyqtyń jáne qonaqjaılylyqtyń erekshe áserin baıqaýǵa bolady.
«Men Astananyń budan ári gúldenýin tileımin. Osy qalada barsha álemnen talantty adamdar kóptep tartylýyna tilektespin!», - dedi ol.
