Astanada óz mamandyǵynyń úzdigi tańdalady
ASTANA. 6 naýryz. QazAqparat - Elordada óz mamandyǵynyń úzdigin tańdaýǵa baǵyttalǵan «Astana tandaýy-2013» jalpyqalalyq baıqaýy bastaldy. Bul jaıynda elordanyń resmı saıty habarlady.
Ol shaharda bizben birge ómir súrip jatqan naqty keıipkerler, sanalýan mamandyq ıeleri týraly keńinen áńgimeleý maqsatynda ótkizilýde.
Eske salaıyq, baıqaý eki jyl qatarynan ákimdiktiń qoldaýymen uıymdastyrylýda. Ótken jyly «Astana tańdaýy-2012» qoǵamda úlken qyzyǵýshylyq týǵyzdy.
Baıqaýdy uıymdastyrýshylar 60-tan astam ótinim qabyldady. Astana qalasynyń resmı saıtynda baıqaýǵa qatysýshylarǵa 30 myńnan astam adam daýys berip, «Pedagog», «Qoǵamdyq kólik júrgizýshisi», «Ýchaskelik ınspektor», «Dáriger», «Energetık», «Jolshy» jáne «Qurylysshy» atalymdary boıynsha úzdikti tańdady. Jeńimpazdarǵa júldeni Astana qalasynyń ákimi Imanǵalı Tasmaǵambetov tapsyrdy. Baıqaýdan keıin ár keıipker týraly qysqa metrajdy fılm túsirilip, jeńimpazdardyń fotolary qala kóshelerindegi bılbordtarǵa ilindi.
Bıylǵy jyly uıymdastyrýshylar baıqaýǵa odan da zor qyzyǵýshylyq tanytylady degen senimde. Ótinimder qabyldaý 1 mamyrdan 30 mamyrǵa deıin jalǵasady. Jeńimpazdar Astana kúni qarsańynda qalanyń astana.kz. resmı saıtynda daýys berý jolymen 20 maýsymnan 6 shildege deıin anyqtalady. Baıqaýǵa qatysýǵa nıettiler astana-tandauy-2013@gmail.com aqyly ótinimin jibere alady.
