Astanada «Óz kásibiniń úzdigi» atty respýblıkalyq baıqaýdyń jeńimpazdary anyqtaldy (FOTO)
Jalpy, baıqaý komıssııasy «Úzdik temir ustasy», «Úzdik kran júrgizýshisi», «Úzdik elektrshi», «Úzdik santehnık», «Úzdik dánekerleýshi», «Úzdik tehnolog», «Úzdik metall jonýshy», «Úzdik tiginshi», «Úzdik qoǵamdyq kólik júrgizýshisi», «Úzdik árleýshi» (syrlaý boıynsha tehnık) degen 10 nomınatsııa boıynsha 20 jeńimpazdy anyqtady.
«Baıqadyń ataýy aıtyp turǵandaı, búgin biz rasymen óz isiniń naǵyz mamandaryn anyqtaımyz. Búgin marapattaıtyn adamdardyń jumystary ókinishke oraı kózge kórinbeıtin de shyǵar. Biraq, biz olardyń eńbegin baǵalaýdy úıreneıik. Elektrık bolsyn, santehnık bolsyn, tiginshi, qurylysshy, qoǵamdyq kóliktiń júgizýshileri aýyr jumysty abyroımen oryndap júr. Bıyl Qazaqstannyń barlyq aımaǵynan 150-den astam ótinish qabyldandy», - dedi QR Bilim jáne ǵylym vıtse-mınıstri T. Balyqbaev.
Aıta keteıik, jumysshylar jarysyn «100 naqty qadam» baǵdarlamasynyń 88-tarmaǵy men ındýstrııalandyrý jáne ekonomıkalyq ósý boıynsha ınstıtýtsıonaldyq reformany júzege asyrý aıasynda jyl saıyn QR Bilim jáne ǵylym mınıstrliginiń tapsyrysy boıynsha «Qazaqstan - 2050» jalpyulttyq qozǵalysy uıymdastyrady.