Astanada óz kásibine laıyqtylardyń fotosýretteri bılbordtarǵa ilinedi - daýys berý jalǵasýda
ASTANA. 15 maýsym. QazAqparat - Astana qalasynyń ákimdigi «Astana tańdaýy» baıqaýyn ótkizýde, dep habarlady ákimdiktiń baspasóz qyzmetinen.
Baıqaýǵa qatysý úshin bes salanyń ókilderi tańdap alyndy. Olar - dáriger, qoǵamdyq kólik júrgizýshisi, muǵalim, ýchaskelik ınspektor, sondaı-aq qalanyń kez kelgen laıyqty turǵyny.
Olardy qala turǵyndarynyń ózderi tańdaıdy. Baıqaý jeńimpazdary Astana qalasy ákimdiginiń www.astana.kz saıtynda 1-20 maýsym aralyǵynda ótetin daýys berý arqyly anyqtalady. Olardyń fotosýretteri Astana kóshelerindegi bılbordtarǵa ornalastyrylady.
