Astanada óz erkimen qarý-jaraq tapsyrǵandarǵa aqshalaı tólem qarastyrylǵan - ІІD
ASTANA. QazAqparat - Elordada halyqtan zańsyz saqtalǵan qarý-jaraqty, oq-dárilerdi jáne jarylǵysh zattardy satyp alý aktsııasy jalǵasady. Bul týraly Astana qalasynyń ІІD habarlady dep jazady astana.kz.
Qazirgi ýaqytta elordalyqtar óz erkimen 28 atys qarýyn, oq-dáriniń 1344 danasyn tapsyrdy. Erikti túrde ótkiziletin qarý-jaraq quraldarynyń túrine baılanysty memleketten ár qarýǵa 10-100 aılyq eseptik kórsetkishke deıin aqshalaı tólem qarastyrylǵan. Tirkelmegen atys quraldaryn, qarý-jaraq jáne jarylǵysh quraldardy erikti túrde ótkizgen tulǵalar qylmystyq jáne ákimshilik jaýapkershilikten bosatylady. Qosymsha aqparatty Astana q. ІІD 716-018, 716-170, 716-366 telefondary boıynsha jáne www.ast.dvd.mvd.kz arnaıy saıty arqyly bilýge bolady.
