Astanada «Otyrar» kitap-albomynyń tanystyrylymy ótedi
STANA. Mamyrdyń 20-sy. QazAqparat - Erteń, mamyrdyń 21-i kúni, Ulttyq akademııalyq kitaphanada tanymal jýrnalıst, Qazaqstan Respýblıkasy Prezıdenti syılyǵynyń laýreaty Erkin Qydyrdyń «Otyrar» kitap-albomynyń tanystyrylymy ótedi,
dep habarlaıdy QazAqparat.
Atalǵan sharany osy jınaqty shyǵaryp otyrǵan Astana qalasyndaǵy «Folıant» baspasy uıymdastyryp otyr.
«Bul kitapta qasıetti Otyrar óńiriniń tarıhy, geografııasy men etnografııasy, mádenıeti men óneri túgel qamtylǵan. Fotosýrettermen de ádemi bezendirilgen kitap-albom 30 baspa tabaqtan turady»,- dedi QazAqparat tilshisine atalǵan jınaqtyń avtory Erkin Qydyr.
Osy basqosýǵa Parlament depýtattary, bılik organdarynyń jaýapty qyzmetkerleri, zııaly qaýym men buqaralyq aqparat quraldarynyń ókilderi shaqyrylyp otyr.
Kitap-albomnyń saǵat 17-de bastalatyn tanystyrylymynda óner sheberleri án men kúıden shashý shashady dep kútilýde.
