Astanada ótken táýlikte 20 myńnan astam tekshe metr qar shyǵaryldy
ASTANA. QazAqparat - Astanada ótken táýlikte 20 myńnan astam tekshe metr qar shyǵaryldy. Qalany qardan tazalaýǵa mamandandyrylǵan tehnıkanyń 602 birligi jumyldyryldy, dep habarlaıdy QazAqparat Astana ákimdiginiń resmı saıtyna silteme jasap.
«Astana Tazalyq» JShS málimetinshe, 30 jeltoqsanda qalany qardan tazalaýǵa 307 jumysker shyqty.
«Qala syrtyna shyǵarylǵan qardyń jalpy kólemi 21 106 tekshe metrdi quraıdy. «Astana Tazalyq» qala syrtyna qardyń 12 100, ózge mekemeler 8606, «Astana kógaldandyrý qurylysy» 400 tekshe metrin shyǵardy», - delingen «Astana Tazalyq» kompanııasynyń habarlamasynda.
16 qazan men 30 jeltoqsan aralyǵynda shyǵarylǵan qardyń jalpy kólemi 992 450 tekshe metrdi quraıdy. 13 qazannan 30 jeltoqsanǵa aralyǵynda qum-tuz aralas qospanyń 12 296,5 tekshe metri shashyldy.
Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha qalalyq iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady. Sondaı-aq, iKomek ortalyǵyna kelesi ádister boıynsha habarlasýǵa bolady.
