Astanada ótken táýlikte 17 myńnan astam tekshe metr qar shyǵaryldy

ASTANA. QazAqparat -  8 jeltoqsanda qalany qardan tazalaýǵa 313 jumysker shyqty, dep habarlaıdy Astana qalasy ákimdiginiń resmı saıty. 

«Astana Tazalyqtyń» aqparaty boıynsha, qar tazalaýǵa mamandandyrylǵan tehnıkanyń 410 birligi jumyldyrylǵan.

«8 jeltoqsanda tazalanǵan qardyń jalpy kólemi 17651 tekshe metrdi quraıdy. «Astana Tazalyq» qala syrtyna  qardyń 1320, ózge mekemeler 12733,  "Astana kógaldandyrý qurylysy" 1320 tekshe metrin shyǵardy», - delingen habarlamada.

 16 qazan men 8 jeltoqsan aralyǵynda shyǵarylǵan qardyń kólemi  735080  tekshe metrdi quraıdy. 7 jeltoqsanda qum-tuz aralas qospanyń 71 tekshe metri sebildi.
Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha Astananyń iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady.

Sondaı-aq, iKomek ortalyǵyna kelesi ádister boıynsha habarlasýǵa bolady. Telegram-daǵy: https://t.me/astanaikomek109_bot chat-boty;  astana.gov.kz ákimdik saıty