Astanada ótken músháıra jeńimpazyna kólik mingizildi
ASTANA. QazAqparat - Keshe Astanada «Máńgilik el - ult muraty» músháıra baıqaýynyń jeńimpazdary marapattalady. Bas júldeni semeılik Arman Sherızat jeńip aldy. Oǵan avtokólik mingizildi, dep habarlaıdy 24 kz.
Elordanyń 16 jyldyǵyna arnalǵan poezııa keshinde óz elimizden ǵana emes, sondaı-aq kórshiles elderden 70 aqynnyń basyn qosqan bul baıqaýda týǵan elge degen mahabbat negizgi taqyrypqa aınaldy. Keıinirek úzdik óleńder jeke kitap bolyp basylyp shyǵady. Sonymen birge, «Altyn tamyr» jýrnalynda jarııalanady.
Eske salaıyq, baıqaý 3 kezeńmen ótkizildi. Aldymen baıqaýǵa qatysýǵa ótinishter qabyldandy (jumystar 5 maýsymǵa deıin qabyldandy), ekinshi kezeńde belgili otandyq aqyn-jazýshylar engen baıqaý komıssııasy avtorlardyń eńbekterine óz baǵasyn berdi. Bul rette basty krııterıı týyndynyń baǵyttylyǵy boldy, avtordyń jeke stıli de eskerildi. Al sońǵy kezeńde baıqaý qorytyndysy shyǵarylyp, marapattaý rásimi ótkizildi.
