Astanada ótken qysqy Azııa oıyndarynyń ashylý saltanatynda sportshylar atynan batysqazaqstandyq N.Jumaǵazıev ant berdi

Nurbergen Azııa oıyndarynda short-trekten el namysyn qorǵaıdy. Short-trekten Batys Qazaqstan oblysynan qatysatyn alty sportshynyń biri, Oraldaǵy muz aıdyny saraıynda jattyǵyp kele jatqan ol M.Ótemisuly atyndaǵy Batys Qazaqstan memlekettik ýnıversıtetinde oqıdy.

Qazaqstannyń eńbek sińirgen jattyqtyrýshysy Mádiǵalı Qarsybekov bastaǵan mamandar baptaıtyn short-trekshiler erteń elordadaǵy velotrekte óz jarystaryn bastaıdy. Bul sport túrinen koreıalyq, qytaılyq, japondyq sportshylar myqty. Sondyqtan qazaqstandyqtarǵa júldeli oryndar úshin talasý qıynǵa soǵady. Degenmen estafetalyq synda el short-trekshileriniń qola júldege qol sozýǵa múmkindikteri bar.