Astanada ótken genderlik mıtıngige kámeletke tolmaǵan balalar qatysqan joq – Altaı Kólginov

ASTANA. QazAqparat – Premer-Mınıstrdiń orynbasary Altaı Kólginov Májilis depýtattarynyń LGBT ıdeologııasymen kúres týraly saýalyna jaýap berdi, dep habarlaıdy QazAqparat tilshisi.

«Qazaqstan Respýblıkasynda beıbit jıyndardy uıymdastyrý jáne ótkizý tártibi týraly» zańnyń 2-babynyń 2-tarmaǵyna sáıkes 8 sáýirde Astana qalasynda áıelder quqyǵyn otbasylyq zorlyq-zombylyqtan qorǵaý máselesi boıynsha beıbit is-shara ótti. Beıbit jıyndar týraly zańnyń 1-babynyń 4-tarmaǵyna sáıkes kámeletke tolmaǵan azamattardyń beıbit jınalysty uıymdastyrýǵa quqyǵy joq. Ákimshilik quqyq buzý týraly kodekstiń 128-baby 2-bóligine sáıkes kámeletke tolmaǵandardy zańsyz mıtıngke, sherýge, demonstratsııaǵa qatysýǵa tartqany úshin uıymdastyrýshylar aıyppul nemese ákimshilik qamaýǵa alý túrindegi jaýapkershilikke tartylady», - dep jazylǵan jaýapta.

Onyń málimetinshe, atalǵan sharany jergilikti atqarýshy jáne prokýratýra organdary, Astana qalasynyń polıtsııa departamenti baqylaýda ustaǵan.

«Jıyn ótip jatqan kezde jergilikti ákimdik pen prokýratýraǵa beıbit jınalysty toqtatý týraly ótinish túsken joq. Sonymen qatar, atalǵan sharada kámeletke tolmaǵan balalar bolmady», - dep jazady Altaı Kólginov.