Astanada ótken demalys kúnderi 30 mas júrgizýshi quryqtaldy

dep habarlaıdy qalalyq ІІD Jol polıtsııasy basqarmasynyń baspasóz qyzmeti.

Demalys kúnderi jol polıtsııasy qyzmetkerleri jol qozǵalysy erejesin buzýdyń 888 faktisin anyqtady, onyń ishinde 30 júrgizýshi mas kúıinde ustalyp, jyldamdyqty asyrýdyń 87 faktisi, qarsy jolǵa shyǵyp ketýdiń 2 faktisi bar, 9 júrgizýshi kólik quralyn tıisti qujattarsyz basqaryp, 47-si kólikti basqarý kezinde uıaly telefondy paıdalanǵan. Aıyp turaǵyna 22 avtokólik qoıyldy.

Búgingi kúnnen bastap elordamyzda «Qaýipsiz jol» jedel-aldyn alý sharasy bastaldy, ol 14 qańtarǵa deıin sozylady. Osyǵan oraı qalalyq jol polıtsııasy kúsheıtilgen tártipte qyzmet atqarýǵa kóshirildi.