Astanada ótken bos oryndar jármeńkesine 40-tan astam jumys berýshi uıym qatysty

ASTANA. QazAqparat - Astana qalasy ákimdiginiń Jumyspen qamtý ortalyǵy «Astana Mall» SSO-da «Barlyǵy úshin eńbek» atty bos oryndar jármeńkesin ótkizdi. Bul týraly Jumyspen qamtý ortalyǵynyń baspasóz qyzmetinen habarlady.

Qyzmet kórsetý salasy, bilim berý mekemeleri, densaýlyq saqtaý uıymdary, qurylys fırmalary, qonaq úıler, avtoparktar, ishki ister organdary sııaqty 40-tan astam jumys berýshi uıymdary ózderiniń 260 jýyq bos oryndaryn usyndy. Jármeńkeniń aldyn ala qortyndysy boıynsha 1386 adam jumysberýshilermen tildesti.

Eskere ketsek, bul Astana qalasy ákimdiginiń Jumyspen qamtý ortalyǵy uıymdastyryp jatqan tórtinshi bos oryndar Jármeńkesi bolyp tabylady. Osydan buryn ótkizilgen jármeńkeler nátıjesi boıynsha, barlyǵy 75 azamat jumysqa ornalastyryldy.

Bos oryndar jármeńkesi - nıet bildirýshilerge óziniń áleýetti jumys berýshilerimen áńgimelesýden ótip, jumysqa ornalasýyna tamasha múmkindik beredi, sonymen qatar, qaıta oqý men jańa mamandyq alý múmkindigi týraly aqparat alýǵa kómektesedi.

Osy jyldyń basynan bastap, Astana qalasy ákimdiginiń Jumyspen qamtý ortalyǵyna 4810 turǵylyqty azamattar ótinish bildirdi, olardyń 2195 jumysqa ornalastyryldy, sonyń ishinde: qoǵamdyq jumys oryndaryna - 63 adam ornalasty, jastar praktıkasyna - 220 adam jiberildi, qoǵamdyq jumystarǵa - 919 adam qatysty, oqytýǵa - 307 adam baǵyttaldy.