Astanada ótken «Balalyq shaqtyń qaýipsiz joldary» olımpıadasynyń júldegerlerine planshetter tabystaldy
ASTANA. QazAqparat - Elordalyq Oqýshylar saraıynda «Jol qaýipsizdigi» taqyrybynda ótken oqýshylar arasyndaǵy olımpıadanyń qorytyndysyn shyǵarý jáne jeńimpazdardy marapattaý saltanaty ótti. Olımpıada «Balalyq shaqtyń qaýipsiz joldary» áleýmettik jobasy aıasynda ótkizildi. Bul týraly elordanyń resmı saıtynda habarlady.
Jarysqa 5953 oqýshy qatysyp, aqtyq synda 29 oqýshy baqtaryn synady.
Olımpıadanyń nátıjesi boıynsha, №6 gımnazııanyń oqýshysy Ivan Nechaev Gran-prı ıelendi. Jeńimpazdarǵa baǵaly syılyqtar - planshetter, smartfondar, elektrondy kitaptar tabystaldy.
Saltanatty marapattaý rásimine Astana qalalyq Іshki ister departamenti men bilim basqarmasynyń ókilderi qatysty.
