Astanada ótip jatqan dzıýdodan klýbtar arasyndaǵy І halyqaralyq týrnırdiń fınalyn «KAZsport» telearnasy kórsetedi
ASTANA. 1 qarasha. QazAqparat - Astanadaǵy «Dáýlet» sport saraıynda dzıýdodan erler arasyndaǵy halyqaralyq klýbtyq týrnır resmı túrde ashyldy.
Aıta keteıik, týrnır bıyl qurylǵan «Tak Astana» dzıýdo klýbynyń uıymdastyrýymen alǵash ret ótip otyr. Oǵan Reseı, Ýkraına, Latvııa jáne Qyrǵyzstannyń kásibı dzıýdo klýbtary qatysýda. Dál qazir týrınırdiń irikteý jekpe-jekteri ótip jatyr.
Qazaqstan óz tobynda Latvııa men Reseı sportshylarymen ózara synǵa túsýde. Al ekinshi topta Ýkraına, Qyrǵyzstan jáne Reseıdiń taǵy bir dzıýdo klýby baq synaýda.
Búgin keshki saǵat 18.30-da týrnırdiń aqtyq syndary bastalady. Ony «KAZsport» telearnasy tikeleı efır arqyly kórsetpek. Sol sebepti qurylyqtyq hokkeı lıgasy aıasyndaǵy «Barys» pen «Salavat ıÝlaevtyń» matchyn túnde qaıtalap kórsetetin boldy.
