Astanada ótetin Qazaqstan Barysy Grand Slam týrnıriniń jarys kestesi belgili boldy

ASTANA. KAZINFORM - Bıyl úshinshi márte jalaýyn kóteretin týrnır Jaqsylyq Úshkempirov atyndaǵy jekpe-jek saraıynda 9-11 mamyr kúnderi bolady.

Jarys nátıjesinde IJF erejesine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngterde upaılar bólinedi. Atap aıtqanda, birinshi oryn úshin 1000, ekinshi oryn úshin 700, al úshinshi oryn úshin 500 upaı esepteledi.

Halyqaralyq dzıýdo federatsııasynyń (IJF) jáne Qazaqstan dzıýdo federatsııasy arasyndaǵy ekijaqty kelisimshartyna sáıkes elimiz atalǵan týrnırdi 2026 jylǵa deıin qabyldaıdy.

«Qazaqstan Barysy Grand Slam» álemdik jarysy Qazsport telearnasynan tikeleı efırde kórsetiledi.

Jarys baǵdarlamasy boıynsha 9 mamyr áıelderde 48,52, 57 keli, erlerde 60, 66 keli salmaqta júldeler sarapqa salynady. 

Al 10 mamyrda áıelderde 63, 70 keli, erlerde 73, 81 keli, 11 mamyrda áıelder:de 78, 78 keliden joǵary, erlerde 90, 100, 100 keliden joǵary salmaqta balýandar tatamıge shyǵady. 

Eske salsaq, budan buryn Azııa chempıonatynda el quramasy tórt qola medal alyp qaıtty.