Astanada ótetin parahokkeıden álem chempıonatynyń oıyn kúntizbesi anyqtaldy

ASTANA. KAZINFORM — Astana qalasynda 6-11 qyrkúıek kúnderi ótetin parahokkeıden B pýlinde álem chempıonatynyń oıyn kúntizbesi belgili boldy.

Bul jóninde Qazaqstan hokkeı federatsııasy málim etti.

Oǵan Shvetsııa, Japonııa, Italııa, Frantsııa jáne Fınlıandııa quramalary keledi. Astanada ótetin bul birinshilikte — 2026 jylǵy Mılanda ótetin XIV qysqy Paralımpıada oıyndaryna irikteý týrnırine beriletin eki joldama sarapqa salynady. Barlyq oıyndar «Tarlan Arena» kesheninde ótkiziledi.

Oıyn kestesi:

6 qyrkúıek. 19:00. Shvetsııa — Qazaqstan
7 qyrkúıek. 19:00. Japonııa — Qazaqstan
8 qyrkúıek. 19:00. Italııa — Qazaqstan
9 qyrkúıek 19:00. Qazaqstan — Frantsııa
11 qyrkúıek. 19:00. Qazaqstan — Fınlıandııa

Qazaqstan quramasynyń qatysýymen ótetin barlyq oıyn «Qazsport» telearnasynan tikeleı efırde kórsetiledi.