Astanada ótetin «Qaırat» pen «Olımpıakos» arasyndaǵy oıyn bıletteri satylymǵa shyqty

ALMATY. KAZINFORM — Chempıondar lıgasy aıasynda «Qaırattyń» elordada ótetin alǵashqy matchyna bıletter satylymǵa shyqty.

Almatylyq klýb Grekııanyń «Olımpıakos» komandasyna qarsy oıynnyń bıletteri satyla bastaǵanyn habarlady. Bılet baǵasy — 15 000 — 50 000 teńge aralyǵynda. Match 9 jeltoqsan kúni 20:30–da «Astana arena» stadıonynda ótedi.

— Bir JSN-ǵa eki bıletten artyq satyp alýǵa bolmaıdy. Shetel azamattary tólqujat derekterin kórsete alady, — dep habarlady klýb.

Eske salaıyq, buǵan deıin «Qaırat» fýtbol klýby ÝEFA-men birlese otyryp, Chempıondar lıgasynyń jalpy kezeńinde «Olımpıakos» (9 jeltoqsan), «Brıýgge» (20 qańtar) komandalaryna qarsy óz alańyndaǵy matchtaryn «Astana Arena» stadıonyna kóshiretinin habarlaǵan edi.

Oǵan deıin «Qaırattyń» «Real Madrıd» jáne «Pafos» komandalaryna qarsy oıyndary Almatynyń Ortalyq stadıonynda ótti. Bul matchtarǵa bılet 30-250 myń teńge aralyǵynda satyldy.