Astanada ótetin FIFA oıynynda Dastan Satpaevty kim almastyrady

ASTANA. KAZINFORM — Qazaqstan fýtbol quramasynyń jattyqtyrýshy shtaby FIFA Series 2026 naýryz aıyndaǵy matchtaryna Dastan Satpaevtyń ornyna Oralhan Omırtaevty shaqyrý týraly sheshim qabyldady. Bul týraly dep Qazaqstan fýtbol federatsııasy málim etti. 

Quramanyń bas bapkeri Talǵat Baısýfınov málimdegendeı, Chelsı klýbynyń medıtsınalyq shtaby Satpaevtyń aǵymdaǵy jaǵdaıy men naýryz aıyndaǵy halyqaralyq úzilis kezinde tolyq qalpyna kelý qajettigi jóninde usynys bergen. Sol aqparatty Qazaqstan quramasynyń dárigerlerimen talqylap, oıynshyǵa tolyq qalpyna kelý kezeńin berý sheshimi qabyldanǵan. Onyń ornyna quramanyń sapyna fýnktsıonaldy jaǵdaıy jaqsy, ulttyq quramanyń tapsyrmalaryn oryndaýǵa daıyn Oralhan Omırtaev shaqyryldy.

Naýryz aıynda Qazaqstan quramasy FIFA Series 2026 týrnırinde Astanada óner kórsetedi. Birinshi oıyn 25 naýryzda «Astana Arena» stadıonynda Namıbııa quramasyna qarsy ótedi. Matchtyń bastalýy – 17:00.

Eske salsaq, Qazaqstan quramasynyń halyqaralyq týrnırge arnalǵan sońǵy tiziminde 26 fýtbolshy bar.

Eske sala keteıik, medıtsınalyq kórsetkishterge baılanysty «Qaırat» shabýylshysy emin Qatarda jalǵastyratynyny habarlandy. 

Komandanyń jas juldyzy jaraqatyna baılanysty Birikken Arab Ámirlikterindegi oqý-jattyǵý jıynyna jáne ÝEFA Chempıondar lıgasynyń toptyq kezeńdegi «Brıýgge», «Arsenal» komandalaryna qarsy oıyndarǵa da qatyspady.