Astanada ótetin Dımash Qudaıbergenniń kontsertine arnaıy avtobýstar qatynaıdy

ASTANA. KAZINFORM - 13 jáne 14 qyrkúıekte «Astana Arena» stadıonynda Dımash Qudaıbergen óner kórsetedi.

Astana ákimdiginiń habarlaýynsha, kórermenderge yńǵaıly bolý úshin kontsert ótetin orynǵa arnaıy avtobýstar uıymdastyrylady.

Kórermenderdiń qaýipsizdigi men jaılylyǵyn qamtamasyz etý, sondaı-aq jol keptelisin boldyrmaý maqsatynda avtobýstar birneshe orynnan attanatyn bolady. Naqtyraq aıtqanda:

1. Saltanat Saraıy;
2. «Áziret Sultan» meshiti;
3. Bas meshit.

Іs-shara ótetin orynǵa jeke kólikpen kirýge tyıym salynady. Arnaıy avtobýstarmen jol júrý kontsert bıletin kórsetken kezde ǵana múmkin bolady.

Avtobýstar saǵat 17.00-den bastap qatynaıtyn bolady.