Astanada ótetin boks keshinde Batyr Júkembaevtyń kimmen judyryqtasatyny belgili boldy

ASTANA. KAZINFORM — Birinshi orta salmaqta judyryqtasatyn qazaqstandyq boksshy Batyr Júkembaevtyń (23-1, 17 KO) 5 sáýirde Astanada ótetin boks keshindegi qarsylasynyń esimi belgili boldy.

Nomad Promotions málimetinshe, Batyr 5 sáýirde brıtanııalyq Keın Gardnermen (17-4, 7 KO) jekpe-jek ótkizbek.

Bul kúngi basty jekpe-jek Jánibek Álimhanuly men (16-0, 11 KO) frantsııalyq Anaýel Ngamıssen (14-0, 9 KO) arasynda uıymdastyrylady.

Atalǵan boks keshi Astanadaǵy «Barys Arena» sport kesheninde ótpek.

Sondaı-aq, 5 sáýir kúngi boks keshinde Jánibek Álimhanulynan bólek taǵy kimderdiń sharshy alańǵa shyǵatyny týraly jazdyq.

Atalǵan boks keshinde búginde ulttyq qurama sapynda el namysyn qorǵap júrgen aǵaıyndy Sabyrhandar sharshy alańda kásipqoı boksta baqtaryn synap kórmek. Aǵaıyndy boksshylardyń qarsylasy ázirge anyqtalmaǵan.