Astanada ótetin aýyl sharýashylyǵy jármeńkesinde ónimder tıimdi baǵamen satylady
ASTANA. KAZINFORM – Elordada 11-12 shilde kúnderi kezekti qalalyq aýyl sharýashylyǵy jármeńkesi ótedi, dep habarlaıdy Astana ákimdiginiń resmı saıty.
Jármeńkede elimizdiń ár óńirinen kelgen fermerler men jergilikti óndirýshilerdiń ónimderi usynylady.
Qala turǵyndary men qonaqtary kókónis, jemis-jıdek, et, un jáne sút ónimderin, nan-toqash ónimderin, tabıǵı shyryndar, tosap, djem jáne basqa da taǵamdardy tıimdi baǵamen satyp ala alady.
– Іs-shara 11 jáne 12 shilde kúnderi saǵat 10:00-den 19:00-ge deıin Alash tas joly, 35B mekenjaıyndaǵy «Keryen Joly» saýda ortalyǵynda ótedi, – delingen habarlamada.
Kelýshilerdiń yńǵaıy úshin jármeńke ótetin orynǵa №7, 11, 39, 41, 45, 53, 59, 81, 307, 317 avtobýs marshrýttary qatynaıdy.
Aıta keteıik, Qyrǵyzstannan ákelingen jemisterden qaýipti zııankester anyqtaldy.
