Astanada ótetin jýrnalıster sammıti aıasynda 14 shara uıymdastyrylady
«Bıyl Astana ekonomıkalyq forýmy aıasynda alǵash ret jýrnalısterdiń sammıti ótedi. «G-Global» baǵdarlamasy turǵysynda biz osyndaı sammıt uıymdastyrmaqpyz. Onyń nátıjesi boıynsha, bir qaýymdastyqty uıymdastyrýdy josparlap otyrmyz. ıAǵnı, jýrnalıster tarapynan bizdiń usynysqa qoldaý bolsa. Atap aıtqanda, sammıtke 700-ge jýyq buqaralyq aqparat quraldaryniń ókilderi qatysýǵa nıet bildirdi. Shetelden 300-den astam jýrnalıst kelmek»,- dedi depýtat.
Onyń sózine qaraǵanda, bul jıyn barysynda ekonomıka jáne qarjy júıesi baǵytyndaǵy máselelerdi BAQ-tarda saraptaý, álemdik daǵdarys kezindegi jýrnalıstıkanyń róli, medıadaǵy ınnovatsııa men tehnologııalar, ekonomıkalyq kórsetkishtermen jumys jasaý jáne aqparat taratýdyń jańa ádisteri jónindegi máseleler kóteriledi.
Jýrnalıstıka salasy boıynsha «G-Global» halyqaralyq sammıti aıasynda on tórt shara uıymdastyrylmaq.
Bul turǵydaǵy sharalardyń biri - «Jańa medıa-tehnologııalar men ekonomıkalyq máselelerdi jarııalaýdaǵy materıaldardy paıdalanýdyń ınnovatsııalyq negizderi» taqyrybyndaǵy «G-Global» syılyǵy. Bul syılyqqa sheteldik jáne otandyq medıa-holdıngter, korporatsııalar, medıa-tehnologııany jasaýshylar, ІT-kompanııalar, táýelsiz jýrnalıster qol jetkize alady. Baıqaý qorytyndysy boıynsha tyń baǵdarlamalar, quraldar, jańa tehnologııalar arqyly ekonomıkalyq aqparatty tıimdi taratyp, álemdik qaýymdastyqtaǵy ekonomıkalyq problemalarǵa aýdıtorııanyń qyzyǵýshylyǵyn arttyratyn úzdik jýrnalıstik joba anyqtalady. VII Astana ekonomıkalyq forýmynda ótetin marapattaý rásiminde jeńimpazǵa 15 000 dollar kólemindegi syıaqy tabystalady.
«Osy baıqaý boıynsha on usynys tústi. Biraq olardyń deńgeıi uıymdastyrýshylardyń talaptaryna sáıkes bolmaı tur. Sol úshin bul baıqaýdy ári qaraı jyldyń aıaǵyna deıin uzartpaqpyz. Atap aıtqanda, sammıtke qatysatyn 700 jýrnalısti osy baıqaýǵa qatysýǵa shaqyramyz. Jyldyń aıaǵynda nátıjesin jarııalaıtyn bolamyz»,- dedi S.Nógerbekov.
