Astanada ótetin jumys jármeńkesinde 500-ge jýyq bos oryn usynylady
ASTANA. QazAqparat - Astana qalasy ákimdiginiń Halyqty jumyspen qamtý ortalyǵy 22 qyrkúıekte «Jastar» saraıynda saǵat 10:00-den 13:00-ge deıin bos jumys oryndar jármeńkesin ótkizedi, dep habarlaıdy vedomstvonyń baspasóz qyzmeti.
Jármeńkege QAZAQ BANKI, KazkommertsBank, Turǵyn úı qurylys jınaq banki sııaqty ekinshi dárejeli bankter, Іshki ister departamenti, Ulttyq ǵylymı medıtsınalyq ortalyǵy, Ulttyq murajaı, Aqmola vagon qurylys zavody sııaqty elordanyń túrli saladaǵy 50-ge jýyq jumys berýshileri qatysady, olar ózderiniń nesıe konsýtaltanty jáne menedjer, qarjyger, kassır, ishki ister organdarynyń qyzmetkerleri, medıtsınalyq qyzmetkerler, elektrogazdánekerleýshi, frezerovşık, kran mashınısti, óner jáne mádenıet mamandary jáne basqa da 500-ge jýyq bos jumys oryndaryn usynady.
