Astanada ótetin senbilikte 7 myńǵa jýyq aǵash otyrǵyzylady
ASTANA. QazAqparat - 12 qyrkúıekten 12 qazanǵa deıin elorda aýmaǵyn sanıtarlyq tazartý, abattandyrý men kógaldandyrý boıynsha kúzgi ekologııalyq aılyq ótkiziledi. 24 qyrkúıekte «Astana - taza qala!» jalpyqalalyq senbiligi uıymdastyrylady, dep habarlaıdy qala ákimdiginiń saıty.
Jalpyqalalyq senbilik aıasynda qalalyq jáne respýblıkalyq uıymdardyń qatysýymen 7 000 aǵash otyrǵyzý josparlanǵan, sonyń ishinde «Almaty» aýdanynda QR Ulttyq mýzeıi aýmaǵyna, «Esil» aýdanynda - «Han Shatyr» SOO aınalasyna, sondaı-aq, Eńbekshiler kóshesinen «Telman» turǵyn alabyna deıin, «Saryarqa» aýdanynda - Sarybulaq ózeniniń jaǵalaýyna aǵashtar egiledi.
Sonymen qatar, bilim, densaýlyq saqtaý mekemeleriniń, kásiporyndar men turǵyn úı keshenderiniń aýmaǵyna da aǵashtar otyrǵyzylady.
Jalpyqalalyq senbilik aıasynda Esil, Aqbulaq jáne Sarybulaq arnalaryn qoqystan jáne turmystyq qaldyqtardan tazartý maqsatynda «Taza ózender!» ekologııalyq sharasy ótedi. Esil ózeni «Gazmashapparatýra», «Qarttar úıi» («Kóktal-1» sh/a), Aqbulaq ózeni - Eýrazııalyq ýnıversıtet korpýsynan JEO-2 deıin, Sarybulaq - «Bahýs» saýda úıiniń aýmaǵynda tazartylady.
Ekologııalyq aılyq aıasynda kósheler, trotýarlar men oramishilik aýmaqtar tazartylady, aǵashtar otyrǵyzylyp, nóser men aryq káriz júıeleri tazalanady, sondaı-aq, saıabaqtar men gúlbaqtarda jasyl kóshetterdi kútý boıynsha maýsymdyq agrotehnıkalyq jumystar júrgiziledi, gúlzarlar abattandyrylady.
24 qyrkúıekte jalpyqalalyq senbilikke 89 myńnan astam adam shyǵady, oǵan qalalyq kásiporyndar men uıymdar, medıtsına jáne bilim mekemeleri qatysady, sondaı-aq, 429 jýyq tehnıka tartylady.
Apta saıyn «Kóshe kórki -Astana kórki», «Qorshaǵan ortany aıalaıyq!», «Astana - ásem qala!» urandarymen halyqtyń, óndiristik kásiporyndardyń jáne basqa da uıymdardyń qyzmetkerleriniń qatysýymen senbilikter uıymdastyrý boıynsha sharalar ótedi.
Elorda turǵyndary men uıymdary aýlalar men kóshelerdi abattandyrýǵa úles qosa alady.
