Astanada ótetin Sáken Maıǵazıevtiń shyǵarmashylyq keshiniń taqyryby belgili boldy
ASTANA. QazAqparat - 8 naýryzda Astanadaǵy Beıbitshilik jáne kelisim saraıynda ótetin ánshi Sáken Maıǵazıevtiń jeke shyǵarmashylyq keshi «Asyl ana» dep atalatyn boldy. Bul týraly Astana mádenıet basqarmasynyń basshysy Bolat Majaǵulov áleýmettik jelilerde málimdedi.
Buǵan deıin habarlaǵanymyzdaı, ánshiniń kómekshileri kontserttik baǵdarlama ázirge «Qyz-qyzǵaldaq» dep atalady, biraq áli ózgerýi múmkin degen bolatyn.
Kontsertte kórermender ánshiniń burynǵy ánderimen qosa repertýaryndaǵy jańa ánderin de estı alady.
Shyǵarmashylyq keshtiń qonaqtary Altynaı Jorabaeva, Mádına Sádýaqasova, Marjan Arapbaeva, sondaı-aq, «MýzArt», «MeloMen», «Parasat» jáne «Araı» toptary bolady.
