Astanada ótetin Nurmaǵambetov týrnırine alty memleketten boksshylar keldi
ASTANA. QazAqparat - 19 mamyrda elordada qoǵam jáne memleket qaıratkeri, Halyq Qaharmany, QR tuńǵysh qorǵanys mınıstri, armııa generaly Saǵadat Nurmaǵambetovti eske alýǵa arnalǵan iri halyqaralyq boks týrnıri ótedi. Oǵan alty elden boksshylar keldi, dep habarlady «QazAqparat» HAA tilshisi.
Jarysqa Qazaqstan, Qyrǵyzstan, Malaızııa, Tájikstan, Mońǵolııa, Ózbekstan elderinen bylǵary qolǵap sheberleri qatysady. Qazaqstandyq komanda quramynda belgili boksshylar qatysady, onyń ishinde el chempıonattary, sondaı-aq halyqaralyq jarystardyń jeńimpazdary men júldegerleri bar, atap aıtsaq, Saparbaı Aıdarov, Ánýar Muzaparov, Darhan Jumsaqbaev, Ádilet Qapezov, Eldos Sarqulov jáne t.b.
Atap ótsek, jarystyń saltanatty ashylýy 19 mamyrda saǵat 11-de S.K. Nurmaǵambetov atyndaǵy respýblıkalyq mektepte ótedi.
