Astanada ótetin kúres túrlerinen Azııa chempıonatynyń oıyn kúntizbesi jarııalandy
ASTANA. QazAqparat - Astana qalasynda sáýir aıynda ótetin kúres túrlerinen Azııa chempıonatynyń resmı kúntizbesi jarııalandy, dep habarlaıdy QazAqparat tilshisi.
Qurlyqtyq dodada grek-rım, erkin jáne áıelder kúresinen júldeler sarapqa salynady.
Jarystyń alǵashqy eki kúninde, 9-10 sáýirde grek-rım kúresinen balýandar beldesýge shyqsa, 11-12 sáýirde áıelder kúresiniń sheberleri bozkilemge shyǵady. Al 13-14 sáýirde erkin kúres sheberleriniń básekesi jarys kórigin qyzdyrady.
Azııa chempıonatynyń oıyn kúntizbesi tómendegishe:
9 sáýir: grek-rım kúresi 55, 63, 77, 87, 130 keli
10 sáýir: grek-rım kúresi 60, 67, 72, 82, 97 keli
11 sáýir: áıelder kúresi 50, 55, 59, 68, 76 keli
12 sáýir: áıelder kúresi 53, 57, 62, 65, 72 keli
13 sáýir: erkin kúresi 57, 65, 70, 79, 97 keli
14 sáýir: erkin kúresi 61, 74, 86, 92, 125 keli
«Qurlyqtyq doda alǵashqyda Úndistan astanasy Nıý-Delı qalasynda ótkiziledi dep josparlanǵan edi. Ony uıymdastyrýshylar Astana qalasyna aýystyrý jóninde sheshim qabyldady, - dep málim etti QR Kúres federatsııasy baspaóz qyzmetiniń jetekshisi Aspandııar Esenjolov.
