Astanada ótetin konferentsııada dinı tózimdilik máselesi talqylanady
ASTANA. Sáýirdiń 28-i. QazAqparat /Arman Asqarov/ - Qazaqstannyń EQYU-ǵa tóraǵalyǵy aıasynda dinaralyq kelisim máselesine erekshe kóńil bólinýde. Osy oraıda shildeniń 29-30-y kúnderi Astana qalasynda ótetin toleranttylyq pen dıskrımınatsııaǵa qarsy konferentsııanyń mańyzy zor.
Bul týraly búgin «Eýrazııa aımaǵynda turaqtylyq pen qaýipsizdikti qamtamasyz etý aıasyndaǵy Qazaqstannyń EQYU-daǵy tóraǵalyǵy» atty halyqaralyq ǵylymı konferentsııada QR Syrtqy ister mınıstrliginiń EQYU departamenti Áskerı-saıası basqarmasynyń birinshi hatshysy Serik Myrzahmetov aıtty, dep habarlaıdy QazAqparat.
Onyń sózine qaraǵanda, konferentsııa barysynda dinı tózimdilik, onyń ishinde musylmandar, hrıstıandar men basqa da din ókilderiniń quqyqtaryn shekteý máselesi, sondaı-aq dinı shydamdylyqty kúsheıtý jolynda aqparattyq jáne genderlik saýattylyqty damytý problemasy qaralady.
«Búingi tańda atalǵan is-sharanyń kún tártibin bekitý boıynsha uıymǵa múshe eldermen kelissózder júrgizilýde. Konferentsııaǵa din máselelerimen aınalysatyn memlekettik organdardyń ókilderi qatysady», - deıdi S.Myrzahmetov.
