Astanada ótetin qazaq kúresine sheteldik tóreshiler tórelik etedi
ASTANA. QazAqparat - 26 tamyzda Astana qalasynda ótetin qazaq kúresinen Azııa chempıonatynda sheteldik tóreshiler tórelik etedi, dep habarlaıdy QazAqparat «Halyqaralyq qazaq kúresi federatsııasynyń» baspasóz qyzmetine silteme jasap.
Chempıonatta 16 sport tóreshisi jumys isteıdi. Olardyń arasynda Qazaqstan, Grýzııa, Ózbekstan, Lıtva, Ýkraına tóreshileri bolady.
Halyqaralyq dárejedegi tóreshi Maqsat Ahmetbekovtyń aıtýynsha Qazaqstan atynan Azııa chempıonatynda segiz tóreshi jumys isteıdi.
«Barynsha ádil tórelik etemiz degen oıdamyz. Qazaqstandyq tóreshilerdiń biliktiligi joǵary deńgeıde. «Qazaqstan Barysynda», Qazaqstan chempıonatynda, iri týrnırlerde tóreshilik jasap júrgenderdiń arasynan iriktep aldyq. Al sheteldik tóreshilerge sheberlik sabaǵy ótkiziletin bolady», - dedi ol.
Qazaq kúresinen chempıonatqa 20 memleketten 80 sportshy qatysady. Jarys 8 salmaqtyq jáne absolıýttik dáreje boıynsha ótedi.
Qazirgi tańda Azııa chempıonatyna qatysýǵa Japonııa, Ózbekstan, Tájikstan, Mońǵolıııa, Iran, Pákistan men Úndistan memleketteri ózderiniń myqty degen sportshylaryn daıyndap otyr.
Qazaq kúresinen ulttyq quramanyń bas bapkeri Erlan Estek qazaqstandyq balýandardyń daıyndyǵy týraly aıtyp berdi.
«Azııa chempıonatyna 9 salmaq dárejesinde balýandar qatysady. Tamyzdyń 12-nen 24-ine deıin Býrabaı aýdanyndaǵy «Jaqsy» sport kesheninde oqý-jattyǵý jıynynda daıyndalady. 25 tamyz kúni Astanada salmaq ólsheý rásimi ótedi. 26-sy kúresedi. Balýandardyń daıyndyǵy óte jaqsy. Daıyndyqtyń birinshi kezeńin Shymkent qalasynda, ekinshi kezeńin Grýzııa memleketinde ótkizdik. Úshinshi kezeń endi bastalady», - dedi ol.
Azııa chempıonaty Qazaqstan Respýblıkasynyń Mádenıet jáne sport mınıstrligi, Astana qalasynyń ákimdigi, «Samuryq Qazyna» ál aýqat qory, ERG Eýrazııalyq tobynyń qoldaýymen júzege asýda. Uıymdastyrýshy «Halyqaralyq qazaq kúresi federatsııasy».
Aıta ketsek, Qazaq kúresi (Qazaq kuresi) ulttyq sport túri ǵana emes, ol ıÝNESKO-nyń materıaldyq emes muralar tizimine kiredi. Byltyr Halyqaralyq Qazaq kuresi federatsııasy qurylyp, QR Energetıka mınıstri Qanat Bozymbaev federatsııa Prezıdenti bolyp saılandy. Jyl saıyn osy sport túrinen birneshe halyqaralyq jáne respýblıkalyq jarystar ótedi. Sonyń biri 2017 jyly ótken Álem chempıonatyna 40 elden 160 balýan qatysty.
