Astanada ótetin grepplıng týrnırine 5 eldiń sportshylary keledi
ASTANA. QazAqparat - Qańtardyń 26-27-si kúnderi elordada grepplıngten halyqaralyq týrnır ótedi. Bul týraly QazAqparat tilshisi QR Grepplıng qaýymdastyǵyna silteme jasap habarlaıdy.
Qaýymdastyq dereginshe, elordadaǵy «Kórme»ortalyǵynda ótetin ashyq týrnırge Birikken Arab Ámirligi, Brazılııa, Reseı, Qyrǵyzstan, Ózbekstan elderiniń grepplıng kúresiniń 700-den astam myqtysy kelmek. Este bolsa, ótken jylǵy týrnırge Úndistan, Reseı, Grýzııa, Qyrǵyzstan jáne Ózbekstan elderiniń sportshylary qatysqan edi.
Aıta keteıik, grepplıng - dzıýdo, sambo, djıý-djıtsý, erkin, grek-rım jáne basqa da kúrestiń barlyq stılin qamtıtyn jekpe-jektiń bir túri.
