Astanada ótetin FIDE gran-prı jarysyna álemniń 12 úzdik shahmatshysy qatysady

NUR-SULTAN. QazAqparat – 17-30 qyrkúıek aralyǵynda Nur-Sultan qalasynda FIDE (WGP) áıelder arasyndaǵy gran-prı jarysynyń birinshi kezeńi ótedi, dep habarlaıdy QazAqparat.

Qazaqstan shahmat federatsııasy áleýmettik jelidegi paraqshasynda Nur-Sultan qalasynda ótetin týrnırge álemniń eń úzdik 12 shahmatshysy jınalatynyn jazdy.

Qazaqstan «Women Grand Prix-2022» týrnırin uıymdastyrýshy quqyǵynda oıynshy retinde úmitkerdi usyna alady. WGP kezeńiniń osy serııasynda Qazaqstannyń namysyn Bıbisara Asaýbaeva qorǵaıdy.

Týrnırdiń resmı reglamentine jáne halyqaralyq reıtıngisine sáıkes shahmattan QR áıelder quramasynyń kóshbasshysy Jansaıa Ábdimálik te qatysýshylar tizimine endi.

Týrnır qorytyndysy boıynsha «WGP» serııasynda eń kóp upaı jınaǵandar FIDE úmitkerleriniń áıelder týrnırine qatysý quqyǵyna ıe bolady.