Astanada ótetin dzıýdodan álem birinshiligine 120 eldiń sportshylary qatysady
ASTANA. QazAqparat - 24-30 tamyz aralyǵynda Astana qalasynda dzıýdo kúresinen álem birinshiligi ótkiziledi. Oǵan 120 memleketten 700-ge tarta sportshy qatysady dep kútilýde.
8-9 sáýir aralyǵynda elordaǵa Halyqaralyq dzıýdo federatsııasynyń Prezıdenttik keńse dırektory Larısa Kıss bastaǵan komıssııa kelip ketti. Komıssııa eń aldymen «Alaý» muzaıdyn saraıynda boldy, munan soń álem birinshiligine qatysty basqa da nysandardy aralady.
Sonymen qatar «Dzıýdo federatsııasy» qoǵamdyq birlestigi men «KAZTICKET» JShS arasynda bıletterdi satý jóninde kelisim shartqa qol qoıyldy. Bıletterdi satý kazticket.kz jáne www.worldjudo2015.kz saıttary arqyly júrgiziledi.
Qazirgi tańda «KAZTICKET» JShS-niń Astana qalasynda, Kongress-hollda, «Qazaqstan» ortalyq kontsert zalynda, M.Gorkıı atyndaǵy teatrda bılet satatyn agentteri bar jáne «Týran-18» bıznes ortalyǵynda jeke kassasy jumss isteıdi.
Sonymen qatar 13-15 mamyr aralyǵynda Kýveıtte eresekter arasynda Azııa birinshiligi ótkiziledi, oǵan dzıýdo kúresinen qazaq quramasynyń birinshi nómirli sportshylary qatysady, dep habarlaıdy «Dzıýdo federatsııasy» respýblıkalyq qoǵamdyq birlestiginiń baspasóz qyzmetinen.
