Astanada ótetin dzıýdo kúresinen álem birinshiligi tikeleı efırde kórsetiledi
ASTANA. QazAqparat - Dzıýdo kúresinen álem birinshiligin «Qazsport» telearnasy kórsetedi, dep habarlaıdy QR dzıýdo federatsııasynan.
«Tıisti qujatqa «Dzıýdo federatsııasy» respýblıkalyq qoǵamdyq birlestigi men «Qazaqstan» RTRK AQ arasynda qol qoıyldy. Kelisimge saı «Qazsport» telearnasy álem birinshiligin tolyqtaı tikeleı efırde kórsetip, onyń qortytyndysy boıynsha derekti fılm ázirleıdi», delingen habarlamada.
Esterińizge salaıyq, dzıýdodan álem birinshiligi Astana qalasynda 24-30 tamyz aralyǵynda ótkiziledi. Bıletterdi «Kaztıket» kompanııasynyń kassalarynan nemese álem birinshiligi saıtynyń «Bıletter» bóliminen satyp alýǵa bolady.
