Astanada ótetin baıqaýǵa álemniń 28 elinen jas pıanıstter qatysady
ASTANA. QazAqparat - Búgin «Astana Piano Passion 2017» jas pıanıster baıqaýyna qatysýǵa ótinim qabyldaý aıaqtaldy. Qazylar alqasy eki apta ishinde 2017 jyldyń úzdik 30 oryndaýshysyn tańdap alady, dep habarlaıdy qala ákimdiginiń baspasóz qyzmeti .
30 fınalǵa ótýshi ónerpazdyń aty 20 naýryzǵa deıin jarııalanyp, olar 2017 jyldyń sáýir aıynda Astana qalasyna kelip, óz sheberlikterin kórsetedi jáne baıqaý uıymdastyrýshylarynyń aqshalaı nemese arnaıy syılyqtaryn utyp alýǵa kúsh synasady.
Álemniń túkpir-túkpirindegi mýzykanttar «Astana Piano Passion» baıqaýynyń ádil tóreligine senip, Qazaqstanǵa óz shákirtterin jiberýde.
Aıta keterligi, «Astana Piano Passion» tórtinshi halyqaralyq klassıkalyq mýzyka jáne jas pıanıster baıqaýy Astanada 22 jáne 28 sáýir aralyǵynda ótedi.
Festıval aıasynda Qazaqstannyń túkpir-túkpirinen kelgen balalar, álemge tanymal pıanıster men AQSh, Ulybrıtanııa, Polsha men Reseıdiń eń úzdik JOO ustazdarynan tegin sheberlik sabaǵyn alady. Sonymen qatar, Astana qalasynyń turǵyndary men qonaqtary aldyńǵy baıqaý laýreattarynyń ónerin tamashalaıdy. Dástúr boıynsha, festıvaldiń saltanaty ashylýy men gala kontsertinde maestro Denıs Matsýev qatysady.
Balalardyń óner kórsetýine Astana Opera, Astana Balet jáne QAZUÓÝ (Shabyt) zaldary beriledi. Festıvaldiń naqty baǵdarlamasy jaqyn arada baıqaýdyń resmı saıtynda jáne baıqaýdyń áleýmettik jelilerdegi resmı paraqshasynda jarııalanady.
Baıqaýdyń júlde qory 60 000 dollar.
Baıqaý laýreattary atanǵan jas ónerpazdardyń ustazdary 1 000 AQSh dollary kóleminde syıaqy beriledi.
