Astanada ótetin Azııa chempıonatynda áıelder kúresinen el namysyn kimder qorǵaıdy
ASTANA. QazAqparat - Astanada ótetin kúresten Azııa chempıonatynda áıelder arasynda el namysyn qorǵaıtyn Qazaqstan balýandarynyń esimi belgili boldy, dep habarlaıdy QazAqparat tilshisi.
Sportty damytý dırektsııasynyń baspasóz qyzmi habarlaǵandaı, Saryqurlyq dodasy 7-14 sáýir aralyǵynda elordada ótedi.
Bas bapker Qaırat Saǵadıev qurlyq dodasynda jýyrda Almaty qalasynda ótken VI jazǵy QR Spartakıadasynda top jarǵan balýandarǵa senim artyp otyr.
Olar: Ellada Mahıaddınova (50 kg), Altyn Shaǵaeva (53 kg), Marına Sedneva (55 kg), Nılýfar Raımova (57 kg), Dıana Kaıýmova (59 kg), Irına Kýznetsova (62 kg), Albına Qaıyrgeldınova (65 kg), Elena Shalygına (68 kg), Jamıla Baqbergenova (72 kg), Elmıra Syzdyqova (76 kg).
Esterińizge sala keteıik, kúresten Azııa chempıonaty Astana qalasynda osymen 2-ret márte ótkeli otyr. Alǵash ret elorda 2014 jylǵy sáýirde sary qurlyqtyń kil myqtylary Astanada synǵa túsken bolatyn. Sol kezde Qazaqstan quramasy 5 altyn, 2 kúmis jáne 7 qola medelǵa qol jetkizip, jalpy esepte Irannan keıin 2-oryn alǵan edi.
