Astanada otbasylyq sporttyq festıval ótedi
ASTANA. QazAqparat - Astana kúni aıasynda «Araı» saıabaǵynda búkil otbasyǵa arnalǵan «Áke, ana, men - sporttyq otbasy!» sporttyq sharasy uıymdastyrylady, astana.gov.kz.
Otbasylyq festıval 4, 5 jáne 6 shilde kúnderi ótedi, oǵan qazaqstandyq sport juldyzdary, balalar sport mektepteriniń oqýshylary, sonymen qatar, qala turǵyndary men qonaqtary óz otbasylarymen qatysady.
Festıval fýtbol men sporttyq vıktorınalarmen bastalady. Shara aıasynda «Áke, ana, men - sporttyq otbasy!» jarysy ótkizilip, ata-analar men balalar ózara básekege túsedi. Festıval kezinde sporttyq klýbtar men fýtbol mektebiniń tanystyrylymy jáne sheberlik saǵattary, balalarǵa arnalǵan óner saıystary, vıktorınalar, balalar shyǵarmashylyǵy saıystary uıymdastyrylady.
Mereke kúnderi saıabaq birneshe aýmaqqa bólinedi: bıden sheberlik saǵattary ótkiziletin aýmaq; kúsh rekordtaryn ornatý aýmaǵy; bas sahna; sheberler aýyly; Astana qalasynyń Fýtbol federatsııasy janyndaǵy balalar fýtbol ortalyǵy; kóshe sýbmádenıetteri aýmaǵy; asyq jáne toǵyzqumalaq oınaıtyn aýmaq; klassık oıyny jáne sekirip oınaý alańy; sondaı-aq BAQ-qa arnalǵan aýmaq.
Shara kezinde saıabaq aýmaǵynda balalarǵa arnalǵan batýt, akvarıým, anımatorlar jáne sıqyrshylar jumys isteıtin bolady.
