Astanada otbasylyq dýatlonǵa qatysýshylardy tirkeý jalǵasýda

ASTANA. QazAqparat - Astanada qalaı otbasylyq dýatlonnyń qatysýshysy bolyp tirkelýge bolatynyn elordasport.kz saıtynan bile alasyzdar, dep xabarlaly elordalyq ákimdiktiń medıa ortalyǵy.

«Astana men ózge de qalalarda turatyn kez kelgen januıa otbasylyq dýatlonǵa qatysa alady. Bizdiń elordasport.kz saıtymyzda tirkelýge bolady. Sonymen qatar, 10 qyrkúıek kúni dýatlon ótetin jerde start kezinde 09.00-de tirkele alady», - dep túsindirdi elorda ákimdiginiń medıa ortalyq tilshisine Astana qalasynyń sporttyq-buqaralyq sharalardy ótkizý boıynsha dırektsııasynyń jetekshisi Azamat Imashev.

Onyń sózinshe, qazirgi ýaqytta jarysqa qatysýǵa 30-ǵa jýyq januıa ótinish bergen. Alaıda otbasylyq saıys qatysýshylaryn tirkeý áli de jalǵasýda.

«Otbasylyq dýatlon ekinshi ret ótkizilýde. Sondyqtan oǵan qatysýǵa nıet bildirýshiler kóp. Qazirgi ýaqytta 30 otbasy tirkeldi, biraq biz jarys ótetin kúni qatysýǵa qyzyǵýshylyq tanytatyn januıalar tabylatynyna senimdimiz. Ótken jyly 80 otbasy jarysqan bolatyn», - dep aqparattandyrdy A.Imashev.

Buǵan deıin habarlanǵandaı, 10 qyrkúıek kúni elordalyq trıatlon-baqta januıa kúnin atap ótý merekesine oraı, «EXPO -2017» halyqaralyq kórmesine arnalǵan «Januıalyq dýatlon» ótkiziledi. Onda ata-analar, balalar sporttyń eki túri boıynsha: júgirý jáne velojarys arqyly jarysady.

Januıalyq komanda jalpy 4 km 500 m qashyqtyqty baǵyndyrýy tıis. Ákeler 2 shaqyrym júgirip ótip, estafetany analarǵa beredi, olar 2 shaqyrymdy velosıpedpen júrip ótedi, al balalar 300 m júgiredi.

Jarysqa 9-11 jáne 12-14 jas shamasyndaǵy balalar qatysa alady. Januıalyq dýatlonǵa qatysý úshin óz velosıpedteriniń bolýy shart.