Astanada otbasylyq dýatlon jeńimpazdaryna Ystyqkólge joldama berildi
ASTANA. QazAqparat - Astanada otbasylyq dýatlonnan jarys ótti. Trıatlon saıabaǵynda ótken jarysqa elordanyń sportshy otbasylary jınaldy.
«Biz osy dýatlondy Táýelsizdiktiń 25-jyldyǵyna arnadyq, ol Ulttyq otbasy kúnine oraı ótkizilýde. Biz úshin bul sport merekesi, óıtkeni sportqa qumarlyq otbasyda durys tárbıemen beriledi», - dep atap ótti Astananyń deneshynyqtyrý jáne sport basqarmasynyń basshysy Berik Marjyqpaev.
Jarystyń birinshi kezeńinde otaǵasylar 2 shaqyrymǵa júgirdi, sosyn olar estafetany áıelderine berdi. Kelinshekter óz kezeginde 1 shaqyrym qashyqtyqty velosıpedpen júrip ótip, dýatlon lentasyn balalarǵa tapsyrdy. Qalǵan kezeńde 9-dan 14 jas aralyǵyndaǵy balalar 100 metrge jyldamdyqqa júgirdi. Osy úsh kezeńniń qorytyndysy boıynsha jeńimpaz otbasy anyqtaldy.
Jeńimpazdarǵa qundy syılyqtar berildi. Birinshi orynǵa Ystyqkólge joldama, ekinshi orynǵa elordadaǵy fıtnes ortalyqtyń abonementi jáne úshinshi orynǵa - velosıped berildi.
Sonymen qatar jarysqa qatysýshylarǵa bul jerde lotereıa uıymdastyrylyp onda bes velosıped oınatyldy.
