Astanada otbasylardyń 80 paıyzy jumystyń joqtyǵynan ajyrasady
ASTANA. QazAqparat - Astanadaǵy otbasylardyń 80 paıyzy jumystyń joqtyǵynan jáne alkoldi ishimdiktiń kesirinen ajysarady. Bul týraly búgin Astana qalasy Saryarqa sotynyń qorytyndy jınalysynda sýdıa Láıla Muzdybaeva málim etti, dep habarlaıdy QazAqparat.
Saryarqa aýdandyq sotynyń tóraǵasy Arman Júkenovtiń aıtýynsha, byltyr aýdandyq sot ajyrasýǵa qatysty 1300 isti qaraǵan.
«2015 jyly ajyrasýǵa qatysty 1400 is qaralsa, 2016 jyly 1300 is qaraldy. Sonyń ishinde, sýdıalar 118 otbasyn ymyraǵa keltirip, tatýlastyrdy. ıAǵnı, sýdıalar 118 otbasyn saqtap qaldy»,-deıdi A.Júkenov.
Al, sýdıa Láıla Muzdybaeva statıstıkaǵa súıenbeı-aq, ajyrasýdyń basty sebebin atap bere alamyn, deıdi.
«Jeke tájirıbeme súıene otyryp, statıstıkaǵa qaramaı-aq, ajyrasýdyń basty sebebin aıtyp bere alamyn. Kóp otbasy ekonomıkalyq turǵyda, ıaǵnı, jumystyń joqtyǵynan ajyrasady. ıAǵnı, otaǵasy kóp jaǵdaıda jumys istemeıdi, otbasyn asyraı almaıdy. Áıelderdiń sotqa júginýine de basty sebep osy. Ajyrasýlardyń 80 paıyzy jumyssyzdyq pen alkogoldik ishimdiktiń kesirinen bolady»,-deıdi L.Muzdybaeva.
