Astanada «Otbasydan artyq ne bar?» atty keń aýqymdy aktsııasy ótýde
ASTANA. 15 mamyr. QazAqparat - Búgin Astanada Halyqaralyq otbasy kúninde «Bolashaq búginnen bastalady!» respýblıkalyq aktsııasynyń aıasynda
«Otbasyndan artyq ne bar?» atty keń aýqymdy aktsııasy ótýde.
Onyń negizgi maqsaty- Astana qalasyndaǵy ata-analar úshin Otbasy tárbıesi ınstıtýtyn támamdaǵan 70 pedagog-psıhologtyń tegin keńesterin uıymdastyrý jáne ótkizý.
Bul aktsııa qalanyń 70 núktesinde tańerteńgi saǵat 9.00-den keshki 19.00-ge deıin ótedi. Psıhologtardyń keńesteri qalanyń 60 oqý mekemesinde, «Qýanysh» damý ortalyǵy, medıtsınalyq-áleýmettik ońaltý ortalyǵy, «Premium staff service» jumysqa ornalasý boıynsha bıýrosy, jańa «Oqýshylar saraıy» sııaqty áleýmettik mańyzdy nysandarda ótkiziledi.
Aktsııa qaladaǵy ata-analarǵa otbasyndaǵy psıhologııa jáne pedagogıka boıynsha tegin keńester alýǵa múmkindik beredi. Bul 2000 januıaǵa otbasylyq tárbıeleýdegi kúrdeli kemshiliker men ótkir máselelerdi sheshýdegi durys áreketter baǵdarlamasyn tabýǵa kómektesedi.
«Bolashaq búginnen bastalady!» - deıdi sharanyń uymdastyrýshylary jáne barlyq adamdardy oǵan qatysýǵa shaqyrady.
